Derek Boshier: Dim ond pan fo’r môr ar drai… Gwaith ac effemera dethol, 1976

Arddangosfa

Derek Boshier, Guadalupe Mountains, 2017. Acrylic on canvas. Copyright the artist. Courtesy of Gazelli Art House.
Derek Boshier_It's Only When the Tide Goes Out.... Installation detail at MOSTYN, Wales UK, 2019. Photo by Jamie Woodley.
Derek Boshier_It's Only When the Tide Goes Out.... Installation detail at MOSTYN, Wales UK, 2019. Photo by Jamie Woodley.
Derek Boshier_It's Only When the Tide Goes Out.... Installation detail at MOSTYN, Wales UK, 2019. Photo by Jamie Woodley.
Derek Boshier_It's Only When the Tide Goes Out.... Installation detail at MOSTYN, Wales UK, 2019. Photo by Jamie Woodley.

Mae’n bleser gennym ni gyflwyno gwaith gan Derek Boshier, yr artist pop o Loegr a ddaeth i’r amlwg yn gyntaf fel rhan o’r symudiad Celfyddyd Bop ym Mhrydain yn gynnar yn y 1960au.

Mae Boshier hefyd yn adnabyddus am ei waith gydag eiconau diwylliannol fel The Clash a David Bowie.

Mae’r arddangosfa’n cynnwys amrywiaeth o ddarluniau, paentiadau, printiau a fideos, ynghyd â gwaith ac effemera ffotograffig a cherfluniol o gasgliad personol yr artist. Drwy gyfrwng y casgliad eang hwn o waith ac arteffactau, mae’r arddangosfa’n datgelu sut mae creadigrwydd Boshier yn ymestyn y tu hwnt i ofod yr oriel neu’r stiwdio. Mae’r arddangosfa’n cynnwys gwaith o’r pedwar degawd diwethaf yng ngyrfa’r artist ac mae portread cwbl newydd yn cael ei gyflwyno yma, sef portread o artist sydd wedi disgrifio ei waith ei hun fel “celf sy’n wleidyddol, nid celf wleidyddol”.

Hefyd, mae’r arddangosfa’n cynnwys gwaith a ffotograffau archifol yr oedd Boshier wedi’u gwneud yn y 1970au, ac yntau’n byw yng Nghymru, ym mhentref Llangadfan.

Mae’r ddwy arddangosfa’n rhan o gyfres barhaus MOSTYN, ‘Mewn Sgwrs’. Mae’r gyfres hon yn dod â dwy arddangosfa unigol at ei gilydd ac yn cyflwyno’r elfennau sy’n gallu digwydd rhwng artistiaid, fel y sgwrsio, y cydweithio neu’r tebygrwydd wrth archwilio themâu. Caiff yr arddangosfa ei churadu gan Alfredo Cramerotti, Cyfarwyddwr MOSTYN, a’r artist S Mark Gubb, a fydd yn dangos ei arddangosfa yntau, Y Farn Olaf, ar yr un pryd.

I gyd-fynd â’r arddangosfa hon, ac arddangosfa S Mark Gubb, sy’n cael ei dangos ‘Mewn Sgwrs’, bydd catalog cyfun yn cael ei gynhyrchu. Bydd hwn yn cael ei ariannu gan Brifysgol Worcester a bydd yn cynnwys traethawd newydd gan Jonathan Griffin.

Mae’r arddangosfa wedi bod yn bosib diolch i gefnogaeth hael Ymddiriedolaeth Elusennol Colwinston a chymorth Gazelli Art House, Llundain.