Siarad
Mae’r daith hon wedi cael ei chynllunio i roi trosolwg o waith Taloi Havini yn arddangosfa Artes Mundi 10. Bydd y daith hamddenol hon yn cael ei chyflwyno gan Bethan Mair Williams. Bydd y daith hon yn un unigryw, oherwydd nid yn unig y bydd yn archwilio celf Taloi Havini, ond hefyd cysylltiad personol Bethan â’r artist a’i theulu. Mae Bethan yn byw yng ngogledd Cymru ar hyn o bryd, ond mae ganddi gysylltiad â Bougainville ers ei phlentyndod cynnar. Mae’r cysylltiad personol hwn yn rhoi dealltwriaeth ddyfnach iddi o’r nawsau a’r dylanwadau diwylliannol sy’n llywio mynegiant artistig Taloi Havini, gan ganiatáu i ni ymgolli yn y straeon a’r cymhlethdodau sy’n rhan annatod o gelf Taloi Havini.
Bydd y daith hon yn cael ei chyflwyno yn Gymraeg.
Mae lleoedd yn brin a bydd gennym staff ychwanegol ar gael i groesawu a chynorthwyo ar y diwrnod. Os hoffech chi ofyn am unrhyw gymorth ychwanegol o ran mynediad, neu gysylltu â ni gydag unrhyw gwestiynau, anfonwch e-bost at [email protected]
Artist profiles and statements
Taloi Havini
Daw Taloi Havini o lwyth Nakas pobl Hakö Rhanbarth Ymreolaethol Bougainville (un o Ynysoedd Solomon, rhan o Papua Gini Newydd). Mae ei gwaith yn adlewyrchu hanes ei theulu a’i chysylltiadau â’r tir a’r cymunedau yn Bougainville ac mae’n defnyddio ystod o gyfryngau, gan gynnwys ffotograffiaeth, sain a fideo, cerflunio, gosodwaith trochol a phrint. Mae gwybodaeth – cynhyrchu, trosglwyddo, etifeddu, mapio a chyfleu gwybodaeth – yn themâu canolog yn ei gwaith, sy’n eu harchwilio mewn perthynas â thir, pensaernïaeth a lle.
