Taith arddangos
Ymunwch â’n Cyfarwyddwr Dros Dro, Clare Harding am daith anffurfiol o amgylch Cyfuchliniau Sicrwydd gan Noemie Goudal. Gan ystyried hanes y genre o dirwedd, byddwn yn archwilio’r lensys y mae Noemie Goudal wedi’u defnyddio i ddarlunio ei bydoedd adeiledig, a sut mae’n defnyddio amheuaeth fel gofod i archwilio hanes y Ddaear a’i phosibiliadau i’r dyfodol.
Bydd y sgwrs yn cynnwys mewnwelediad i sut y cafodd y gweithiau a arddangoswyd eu gwneud a sut y datblygwyd a llwyfannwyd yr arddangosfa hon. Bydd croeso cynnes i gwestiynau a thrafodaeth ar themâu’r sioe.
Mae’r sgwrs hon yn addas i unrhyw un sydd â diddordeb yn yr arddangosfeydd, ac nid oes angen unrhyw wybodaeth gelf flaenorol arnoch. Mae croeso i bawb, ac mae stolion ar gael i unrhyw un a hoffai eistedd wrth ymuno.
