Siarad
Paul Eastwood: Unreadings, installation view at Mostyn, 2026. Photo: Rob Battersby.
Mae Dad-ddarlleniadau yn gorff newydd o waith gan Paul Eastwood, sy’n cynnwys lluniadau, gosodiad fideo a gweithiau sain.
Ynghyd â’r arddangosfa, bydd Mostyn yn cynnal symposiwm dan arweiniad Paul Eastwood, Dr Sara Louise Wheeler a DAC Disability Arts Cymru, gan archwilio profiad bywyd addysg cyfrwng Cymraeg ar gyfer dysgwyr niwroamrywiol o gartrefi di-Gymraeg.
Gan ddefnyddio Dad-ddarlleniadau fel man cychwyn, bydd y sgwrs yn archwilio sut mae caffael iaith, systemau addysg, a disgwyliadau diwylliannol yn llunio hunaniaeth, perthyn, a hunan-ganfyddiad. Bydd yn mynd i’r afael â’r anawsterau cynnar gyda llythrennedd yn y Gymraeg a’r Saesneg, y pryder a’r dieithrwch a brofir wrth fodoli ar yr ymylon rhwng ieithoedd, a’r effaith seicolegol a diwylliannol hirdymor.
Bydd y symposiwm yn ystyried sut mae naratifau allanol sy’n amgylchynu iaith, gallu a hunaniaeth Gymreig yn cael eu gorfodi, eu taflunio a’u mewnosod, yn enwedig mewn perthynas â niwroamrywiaeth. Bydd hefyd yn agor trafodaeth ehangach ynghylch hygyrchedd, cynhwysiant a chefnogaeth o fewn addysg cyfrwng Cymraeg.
Gan ddod â phrofiad bywyd, ymchwil academaidd, a safbwyntiau a arweinir gan anabledd ynghyd, mae Dad-ddarlleniadau yn creu gofod ar gyfer myfyrio, deialog, a chyfnewid beirniadol.
Bydd y digwyddiad hwn ar gael i bawb ei fynychu a bydd yn cael ei gynnal yn yr oriel.
Archebwch docyn i bob mynychwr, gan gynnwys unrhyw rai ar gyfer gweithwyr cymorth, gofalwyr neu gynorthwywyr.
Mae croeso i gŵn cymorth ar y safle.
Bydd rhagor o wybodaeth ar gael yn nes at y digwyddiad.
